યુ.એસ.: ભારત, આફ્રિકા, એશિયા તથા યુ.એસ. સહિતના દેશોમાં ઉઘાડા પગે ફરતા તથા રોગનો ભોગ બનતા જરૂરીયાતમંદ બાળકોને પગમાં પહેરવાના  નવા બુટ  આપવાનું અભિયાન  અમેરિકાના ડલાસ ટેકસાસ ખાતે રહેતા  ભારતીય મૂળના ૧૭ વર્ષીય તરૂણ આરવ ચાવડાએ  ઉપાડયુ છે.

            ૨૦૧૨ની સાલથી  શરૂ કરાયેલા ઉપરોક્‍ત અભિયાન અંતર્ગત ચાવડાએ  ૩૦૦૦ જેટલા બુટનું વિતરણ કરી નાખ્‍યુ છે. જૈ પૈકી  ૧૬૦૦ જેટલા બુટ ભારતના જુદા જુદા  વિસ્‍તારોના જરૂરીયામંદ  બાળકોને આપવામાં આવ્‍યા હતા. જે માટે તેને દાતાઓનો સહકાર મળી રહે છે. તેમ ચાવડાએ જણાવ્‍યુ હતું.