૩૦ નવેં ૨૦૧૨ના રોજ કેલિફોર્નિયાના મોન્‍ટે સેરેનો ખાતેના ચુસ્‍ત બંદોબસ્‍ત ધરાવતા વિશાળ નિવાસ સ્‍થાનમાં મૃત્‍યુ પામેલી હાલતમાં મળી આવેલા ભારતીય મૂળના ધનપતિ રવિશ કુમરાના પત્‍ની કૈલા ગોગીન્‍સને તેમના બંને બાળકોની દેખભાળ તથા ઉછેર માટે બાળક દીઠ ૧૮૦૦ લેખે ૩૬૦૦ ડોલર દર મહિને આપવાનો હુકમ સાન્‍તા કલારા કાઉન્‍ટી સુપીરીયર કોર્ટ જજએ હુકમ કર્યો છે.

      રહસ્‍યમય સંજોગોમાં જેમની હત્‍યા થઇ છે તે સ્‍વ રવિશની હત્‍યાના આરોપસર અત્‍યાર સુધીમાં ૩ પુરૂષ તથા ૨ મહિલા આરોપીઓની ધરપકડ થઇ ચૂકી છે. કુમરાના પત્‍ની પણ ઘાયલ થયેલ હાલતમાં મળી આવ્‍યા હતા. જેમને હોસ્‍પિટલમાં સારવાર અપાઇ હતી.

      જે કે માહિતગાર વર્તુળોએ જણાવ્‍યા મુજબ બંને પતિ પત્‍નિના જીવનમાં ઘર્ષણ હોવાથી તેઓ એક જ મકાનમાં રહેતા હોવા છતા અલગ હતા.