(સુરેશ શાહ દ્વારા) બાર્ટલેટ (શિકાગો) :  આઠ સેનેટરોએ ઇમીગ્રેશન સુધારણા બીલ અંગે 844 પાનાનાં દસ્‍તાવેજ સેનેટરમાં રજૂ કરેલ છે. અને તે દસ્‍તાવેજ અથવા બીલ અંગે હાલમાં સેનેટની જયુડીસરી કમીટીના સભ્‍યો ચર્ચા ચલાવી રહ્યા છે. આ બીલ અંગે કમીટીના 18 સભ્‍યોની ત્રણ બેઠકો યોજાઇ ગઇ છે અને છેલ્લી બેઠક મે માસની 16 મી તારીખને ગુરૂવારે સવારે 9-30 કલાકથી બપોરે 1:30 કલાક દરમ્‍યાન યોજવામાં આવી હતી અને તે બેઠકમાં કુલ્લ ર6 સુધારાઓ અંગે વિસ્‍તૃત પ્રમાણમાં ચર્ચા વિચારણા કરવામાં આવી હતી અને છેવટે 16 સુધારાઓ મંજુર રાખવામાં આવ્‍યા હતા. અત્‍યાર સુધીમાં સેનેટની જયુડીસરી કમીટીના સભ્‍યોની કુલ્લ ત્રણ બેઠકો મળી ગઇ છે અને આ સમય દરમ્‍યાન ચર્ચા વિચારણાના અંતે 99 સુધારાઓ ગણત્રીમાં લેવામાં આવેલ છે અને આ સમાચારો પ્રસિધ્‍ધ થશે તે પહેલા મે માસની ર0 મી તારીખને સોમવારે જયુડીસરી કમીટીના સભ્‍યોની એક બેઠક સવારે 10 વાગે ઇમીગ્રેશન સુધારણા બીલ અંગેની આગળની કાર્યવાહી હાથ ધરવા અંગે મળશે અને આ દિવસે ઇમીગ્રેશન સુધારણા બીલના ટાઇટલ ત્રીજા અંગે ચર્ચા હાથ ધરવામાં આવશે. આ અંગે વિશેષ જાણવા મળે છે તેમ આ મે મહિનાના અંત સુધીમાં જયુડીસરી કમીટીમાં ઇમીગ્રેશન સુધારણા બીલ અંગે નિર્ણયો લઇતેને લટકો ફટકો કરી નાંખવાની એક યોજના છે અને  તે આધારે સોમવારથી શરૂ થનાર જયુડીસરી કમીટીના સભ્‍યોની મીટીંગ સળંગ રીતે આખું અઠવાડીયું ચાલનાર છે અને તેમાંઆ સમય દરમ્‍યાન અનેક સુધારા વધારા અંગેની અગત્‍યની માહિતી અંગે નિર્ણયો લેવામાં આવશે અને તેમાં ઇમીગ્રેશન ખાતાની હાલની જે કેટેગરીઓ છે તે અંગે પણ જરૂરી નિર્ણયો લેવામાં આવશે એવું સુમાહિતગાર વર્તુળોમાંથી જાણવા મળે છે અને તેથી સમગ્ર લોકોનું ધ્‍યાન આ અઠવાડીયાની ચર્ચાઓ અને તે અંગે લેવાનારા નિર્ણયો તરફ કેન્‍દ્રિત થયેલું જોવા મળે છે.

       ગુરૂવારે જયુડીસરી કમીટીના સભ્‍યોની જે બેઠક મળેલ તેમાં અમેરિકાનું આર્થિક ક્ષેત્ર કઇ રીતે મજબૂત અને સવિશેષ પ્રમાણમાં કઇ રીતે પગભર બની શકે તે અંગે વિસ્‍તૃત ચર્ચાઓ હાથ ધરવામાં આવી હતી. તેમજ સંશોધનને કઇ રીતે ઉત્તેજન આપી તેને દેશના વિકાસના ઉપયોગમાં લઇ શકાય તે અંગે પણ ચર્ચા હાથ ધરવામાં આવી હતી. આ અદિવસે ઇબી-પ રીજીઓનલ સેન્‍ટર્સ તથા પરદેશી રોકાણકારો કઇ રીતે આકર્ષીત બને તે અંગે પણ જરૂરી ચર્ચાઓ હાથ ધરવામાં આવી હતી.

      વધારામાં જાણવા મળે છે, તેમ પ્રતિ વર્ષે ડાયવરસીટી વીઝા લોટરી સીસ્‍ટમ હેઠળ પપ000 જેટલા લોકોને વાર્ષિક વીઝા આપવામાં આવે છે પરંતુ સેનેટના આઠ સભ્‍યોએ પોતાની ભલામણ અનુસાર આ વીઝા લોટરી નેસ્‍ત નાબુદ કરવા માટે ભલામણ કરેલ છે અને વાર્ષિક પપ000 જેટલી સંખ્‍યાનો જે કવોટા છે તેનો ઉપયોગ વિજ્ઞાન અને ટેકનોલોજી ક્ષેત્રમાં ઉચ્‍ચ શિક્ષણ ધરાવતા કામદારોને ફાળવવા માટે કરવામાં આવેલ છે. આ વીઝા કેટેગરી નાબુદ થવાથી સારૂ શિક્ષણ મેળવેલ કામદાર અત્રે આવવાથી સર્વાંગી વિકાસને તેનો ફાયદો થશે એવું મોટા ભાગના લોકો માની રહ્યા છે.

      અમેરિકાના પ્રમુખ બરાક ઓબામા જો પોતાની બીજી ટર્મમાં પોતાને અનુકુળ હોય તેવા ઇમીગ્રેશન સુધારણા બીલ પર સહી કરવા તૈયાર હોય તો તેમનું આ પગલું ધણું જ ડહાપણવાળુ ગણવામાં આવે છે જયારે રીપબ્‍લીકન પાર્ટીના સેનેટર કે જેઓ આગામી વર્ષોની ચૂંટણીમાં પ્રમુખપદના ઉમેદવાર છે તેઓ આ ઇમીગ્રેશનનો ભાર પોતાના શીરે લઇને ફરે છે તેઓ એવું માની રહ્યા છે કે લેટીનો કોમ્‍યુનિટીના તેઓ એક તારણહાર છે અને ટી પાર્ટીના રૂઢીચુસ્‍ત સભ્‍યોમાં તેઓ પ્રખ્‍યાત બનવાના જરૂરી પ્રયાસો કરી રહ્યા છે પરંતુ હાલમાં ઇમીગ્રેશન સુધારણા બીલ સેનેટની જયુડીસરી કમીટીના સભ્‍યોમાં તે ચર્ચાની એરણ પર છે અને ત્‍યાં આગળ આ બીલ કેવો આકાર લે છે તેના પર સર્વે લોકોની નજર હાલમાં રમતી દેખાય છે. અમેરિકાના ભૂતપૂર્વ પૂર્વ પ્રમુખ જયોર્જ ડબલ્‍યુ બુશે પોતાના પ્રમુખપદની બીજી ટર્મમાં ઇમીગ્રેશન સુધારણા બીલ અંગે જરૂરી પ્રયાસો હાથ ધરેલા હતા પરંતુ તેમની પાર્ટીના  સભ્‍યોએ જેટલો સાથ આપવો જોઇએ તે આપ્‍યો ન હતો. આથી તેમની ઇમીગ્રેશન સુધારણા બીલની તમામ મહેનત એળે ગઇ હતી.

      આજે સમગ્ર અમેરિકામાં લેટીનોના ઇલેકટ્રોરેઇટ દસ ટકા જેટલા થવા જાય છે અને ગયા વર્ષના નવેમ્‍બર માસમાં થયેલ પ્રમુખ પદની ચૂંટણી પ્રમુખ બરાક ઓબામાને 70 ટકા જેટલા મતો લેટીનોના મળ્‍યા હતા માટે રીપબ્‍લીકન પાર્ટીના સભ્‍યો આ બીના અંગે ગંભીરતાથી વિચારે અને ઇમીગ્રેશન સુધારણા બીલમાં પોતાનો સહયોગ આપે એ હાલના સમયમાં તાતી જરૂર છે એવું અભ્‍યાસી લોકો માની રહ્યા છે. અમેરિકાના ઉદ્યોગોને ઇમીગ્રેશન સુધારણા બીલની ખાસ જરૂરત છે કારણ કે તે દ્વારા તેઓને પોતાના ધંધામાં કામદારો જરૂરીયાતના પ્રમાણમાં મળી રહે અમેરિકાની પ્રજાએ પણ જાણવા આતુર છે કે અમેરિકાની સરકાર સરહદ પર નાકાબંધી અંગે જરૂરી પગલા ભરી રહી છે અને તેની સલામતી અંગે ચોક્કસ નિર્ણયો લેવામાં આવી રહ્યા છે. હાલમાં વેરો ભરનારા તમામ લોકો એ જોવા ઇચ્‍છી રહ્યા છે કે 11 મીલીયન લોકોને જો અત્રે કાયમી વસવાટ કરવાના હક આપવામાં આવે તો તેઓ અમેરિકાના આર્થિક પાસાને પાણીના વમળમાં ડુબાડી તો નહી દે ને.

      વિશેષમાં નવા ઇમીગ્રેશન સુધારણા બીલમાં કામદારોની કેટેગરીઓને વધુ પ્રમાણમાં વીઝાનો કવોટા આપવામાં આવે તો કૌટુમ્‍બીક આધારીત કેટેગરીઓના વીઝાના કવોટામાં સ્‍વાભાવીક રીતે કાપ આવવાની શકયતાઓ છે ઇમીગ્રેશન સુધારણા બીલ જે જોગવાઇઓ કરવામાં આવેલ છે. તેમાં તેઓને અમેરિકન નાગરિકત્‍વ આપવાનો સરળ માર્ગ અપનાવવામાં આવ્‍યો નથી. ગેરકાયદેસર વસાહતીઓને અત્રે કામચલાઉ ધોરણે અત્રે રહી કામ કરવા માટે પરવાનગી આપવામાં આવશે પરંતુ આ ત્‍યારે જ શકય બનશે કે જયારે સરહદો પર ચોક્કસ પ્રકારનો બંદોબસ્‍ત થયેલો જણાશે તો જ આગળની કાર્યવાહી હાથ ધરવામાં આવશે. આ અંગે જયુડીસરી કમીટીના સભ્‍યો કેવાં પગલા ભરે છે તે તરફ સૌ અમેરિકનોનું ધ્‍યાન કેન્‍દ્રિત થયેલું જોવા મળે છે.

      સેનેટના આઠ સભ્‍યોએ એક બીલ તૈયારી કરી ચર્ચા માટે તેને રજૂ કરેલ છે તે મુજબ હાઉસના રાજકીય આગેવાનો પણ ઇમીગ્રેશન સુધારણા બીલ લગભગ પૂર્ણતાને આરે આવીને ઉભેલું છે અને હવે નજીકના જ ભવિષ્‍યમાં તેને હાઉસમાં રજૂ કરવામાં આવશે અને ત્‍યારબાદ સમગ્ર પરિસ્‍થિતિનો સાચો ખ્‍યાલ આવી થશે. સેનેટની જયુડીસરી કમીટીમાં આ બીલ અંગે કેવા પગલાં ભરવામાં આવી રહ્યા છે તેની સંપૂર્ણ વિગતો અમો અમારા વાંચક વર્ગ માટે આવતા અઠવાડીયે વિસ્‍તૃતપણે પ્રસિધ્‍ધ કરીશું. જેનાથી ઇમીગ્રેશન સુધારણા બીલ અંગે કેવા પગલા ભરાઇ રહ્યા છે તેની માહિતી સૌને મળી રહે તેવા અમારા નમ્ર પ્રયાસો છે. આવતા અઠવાડીયે વિસ્‍તૃત હેવાલ માટે થોભો અને રાહ જુઓ.