યુ.એસ.: ૧૯૮૪ ની સાલમાં લગ્નબંધનમાંથી મુક્‍ત થઇ કોઇપણ જાતની મુડી કે વગ વિના ખાલી હાથે અમેરિકા જઇ શૂન્‍યમાંથી સર્જન કરનાર ભારતીય મૂળના ક્રાંતિકારી મહિલા સુશ્રી ચંદા ઝવેરીએ તાજેતરમાં પોતાના વતન કોલકતાની મુલકાતા લઇ કોલકતા  યુનિવર્સિટીને કેન્‍સર રિસર્ચ ફંડ સ્‍પોન્‍સર કર્યુ છે.

      અમેરિકામાં ઉચ્‍ચ શિક્ષણ મેળવી લ્‍યુકેમીયા કેન્‍સર સામે ૬ વર્ષ સુધી ઝઝુમી પોતાની સ્‍કિન કેર નામક કંપની સ્‍થાપનાર સુશ્રી ઝવેરીએ મોલેકયુલર બાયોલોજી તથા જીનેટીકસ સાથે કેલિફોર્નિયા યુનિવર્સિટીમાંથી પોસ્‍ટ ગ્રેજ્‍યુએટ કરેલ છુ. ઉપરાંત સ્‍કિન વિષયક સંશોધનો કરવા બદલ માનદ ડોકટરની ડીગ્રી પણ મેળવી છે.